jateko kontsuno taldea

BI KONTSUMO TALDEEN EKOIZLE


Gaur egun bi Kontsumo Taldeen ekoizle gara, lehendabizikoa 2010eko Urrian sortu zen Tolosan.
Urrian, BasHerri taldearen laguntzarekin egin genuen aurkezpena eta gero, zenbait pertsonek talde hau sortzeko iniziatiba hartu zuten.
Lehendabiziko bilera egin eta gero, taldeak erabaki eta konpromezu batzuk hartu zituen:
Lehendabiziko bi hilabeteak froga bezala hartu eta gero urte osorako konpromezu bat.
Bi kuota desberdin hilabetean 55 euroko otarra edo 76 euroko otarra.
Baserrira bisitak eta auzolanak antolatzen ditugu.
Baserritarrak otarra egingo du garaian eta bertan dauden produktuekin.
Hilabetean behin bilera bat egingo da, taldearen martxa eta bestelekoak erabakitzeko.

Bigarrengo Kontsumo Taldea Billabonan sortu da, eta bestea bezala, gogotsu  hasi da proiektu hau aurrera ateratzeko.

Gaur egun Tolosako taldea, 21 pertsonek osatzen dute, asteartero Tolosako Zerkausian biltzen gara otarraren banaketa egiteko eta elkar ikusteko.

Billabonan berriz astelehenenetan biltzen gara Berdura Plazan eta dagoeneko 8 pertsonek osatzen dute taldea.

Pixkanaka, proiektu hau denon hartean aurrera eramango dugu, garaiko eta bertako elikagai ekologikoak kontsumitzen, baserritarren baldintzak duintasunez mantentzen, kontsumitzeko sistema kapitalistatik kanpo eta agroekologia eredu bezala hartuta.

Proiektu honen zutabe bat, Kontsumo Taldeak dira.

Gure Kontaktua: agrojateko@gmail.com



Txolarre irratiak egindako elkarrizketa bat 
Tolosako KontsumoTaldeei buruz.

 

Beste kontsumo talde bat jarri da martxan Tolosan

Iazko ekainean abiatu zuten lehenengo kontsumo taldea Tolosan. Eskualdeko hiru produktore (Aldaba Zahar, Aldaba Txiki eta Fermin Murua eta Gregorio Zuaznabar) eta 18 kontsumitzailez osatutako taldea hasi zen lanean. Urtea bukatzerako, 15 pertsonez osatutako beste talde bat jarri zuten martxan Tolosan. Egunotan, Larraulgo Olatza baserriko baratzean lanean aritzen diren Aitorrek eta Iraitzek beste talde baten ardura hartu dute Tolosan. Funtzionamendu erraza du kontsumo taldeak. Aldez aurretik adostutako saskia eramaten du astero baserritarrak Zerkausira. Taldearen funtzionamenduaren ingurukoak erabakitzeko hilean behin egiten dituzte bilerak. Tolosako kontsumo talde hauetan aritzen diren ekoizleekin hitz egiteko aukera izan dugu Txolarre Irratian.